Saturday, November 17, 2007

NA VEIMATAQALI QITO MAKAWA

Na Veitiqa
E vakayagataki ena qito oqo na ulutoa ka coba toka ena dua na mua ni gasau ka rau veiganiti na kena bibi kei na kena balavu. E caka na veitiqa ena dua na rara vakatubutubutu vinaka me rawa ni tau vinaka kina na i tiqa ni sa tiqataki yani. E dau caka na veitiqa vakavanu e liu ka caka na kena magiti kei na veisolevuti.

Lutuvakatagane
Oqo na veiviri ena moli kurukuru. E na rawa ni qaqa ena qito oqo ko koya ka sega ni laulau na ligana ia e totolo tale ga

Veidrewalai
E dau vakayagataki e liu na walai me veidretaki vei rau na i lawalawa ni veidre.

Veisovia
E dau rua na i to ka vakatau ena levu ni rara na kedra i wiliwili na i to yadua. E kele yadua na kau ena mua ni rara ruarua ka ra veiqatitaka se ko cei main a i to ka dua e laki tara na kau ka nodratou na i to ka dua. Se me kua ni kabai na nodratou koro.

Na Veidia
E dau vakayagataki na gasau ka dau caka na qito oqo e na gauna ni tei uvi kei na gasau ni tara vale. E dau digitaki na gasau kaukauwa ka qaseqase me i dia. E dau laki tini na veisisvi ni sa laki wili na levu ni idia e rau dui vakayacana ko i rau na veidia. E na bole cake mai e dua vei rau sa “tidrai”, ia ke rau lomavata me rau sa tidrai e rau na qai dui kaci toka ka kolotaka na idia e rau sa dui vakacacana ka rau qai veisasa ena nodrau kaya toka “todrai” – “saqalai” me yacova sara ni sa laki oti koso e dua veu rau ka sa qai wiliwili yani ko koya kadua ka kaya – “Dua na memu wai, rua na memu wai, tolu na memu wai, …” me yacova ni sa laki macala kece saran a levu ni wai.

Na Veilavo
Na vakayagataki e ke na i cibi. E lobi me ke na rara se vayaga ka ra qai sagai me veiqatitaki se ko cei e toka taudua e liu na nona i cibi ena mua ni vayaga ka dua, oqo o koya ena qaqa. E dau toto keda qito ka me rua mai ucuna ka dua ka rua ena ucu ni vayaga ka dua.

Na Veisole
E dau sole e dua na gone mai na i to kadua ka qai kau yani vei ira na i to kadua me ra kilakilai koya. Na veisole oqo me kua sara ga ni laurai e dua na tiki ni yagona, ia e rawa ni cakava e so na rorogo me tagi se kalu me vukea na nodra kilakilai koya na i to kadua.

Na Veiqati
Na yacana e kilai levu nikua na veitavulaki. E dau rua na i to ka sega ni vakabibitaki na wiliwili ni dua na i to. E ra laki cici mai na to kadua e na mua ni rara kadua ka ra qai tovolea na i to ka dua me ra vakavesuki ira, nai vesu kece e caka me tavulaki sara ka me kakua ni dro rawa tale. Ni ra sa yaco kin a yasa ni rara kadua, e ra na cici lesu tale mai ka caka tiko vaka koya me yacova ni ra sa vesu kece sara.

Na Veileveleveti
Oqo na veibili ena tabakau. E na kaba e dua na i to ka ra na qai kaba muri yani e dua tale na i to, me ra laki bilibiligi ira tani mai. E kena tabu na veivesu.

Na Labolabo Kanace
E sega ni vaka na kena mataqali vakavavalagi ka da tu cake tuga se cuva ka da qai cici yani lade ka laki cuva tu mai liu. E sega ni vaka ko ya. E da na lade yani la laki davo rawa tu mai liu

A i Bo
Na veibo liga

Vei Bo
Na veibo dina ga me vaka e da kila levu tu.






E na qai vakuri tale yani....Fijituwawa.com Research Team